Wednesday, April 9, 2014

மன்மதன் பா(ட்)டுகள்

மன்மதன் பா(ட்)டுகள்

1.
நரம்புகள் புடைக்க
பிசிறு தட்டிவிடாதபடி
சுதி மாறாமல்
மூச்சைப்பிடித்துக்கொண்டு
கவனத்துடன் பாடுகிறான் மன்மதன்
காமத்துப்பாடலை
இரவின் அமைதியில்
ஸ்டீரியோஃபோன் துல்லியத்துடன்
கண்கள் மூடி தியானித்து
நொடி
நொடி யாய்
ரசித்துக்கொண்டிருக்கிறாள் ரதி

2.
தன்னுடைய தாகத்தைத் தீர்த்துக்கொள்ள
தடாகத்தில் இறங்கிய மன்மதன்
சொந்தத் தாகத்தை மறந்து
இப்போது தடாகத்தின் தாகத்திற்கு
அல்லாடிக் கொண்டிருக்கிறான்
3 அ.
தொல்யுத்த விளையாட்டின்
முதல் சுற்று முடித்து
தளர்ந்து போய்க் கிடக்கிறான் மன்மதன்
உடனடி அடுத்த சுற்றுக்கு
உற்சாகமாக தயாராகிவிட்டாள் ரதி
3.ஆ
ரதியின் மூன்று சுற்றுக்கள்வரையும்
தன் முதல் சுற்றை நீட்டித்து வெல்ல
அவ்வப்போது சட்டத்திற்கு புறம்பாக
ஊக்க மருந்து உட்கொள்கிறான் மன்மதன்

4.
உப்புப் பெறாத
சமையலறைக் குற்றத்திற்காக தண்டிக்கப்பட்ட ரதி
மன்மதனை பழிவாங்குவதற்காக
படுக்கையறையில் கற்சிலையாகிக் கிடந்தாள்
முதன்முதலாக
கற்பழித்த அவமானத்திற்கு
ஆளானான் மன்மதன்